欧冠攻略：曼城保优细睇定食

欧冠攻略：曼城保优细睇定食 2022年04月13日 太阳日报 欧联8强次回合大战，西甲(西甲,SPA D1)球队马德里体育会主场再斗英超(英超,ENG PR)豪门曼城。首回合曼城小胜1比0，今仗和波就可以晋级4强，唔需要急於求胜，预料会以最擅长嘅传控踢法，尽量拖慢比赛节奏保住领先优势。马体会碍於形势非胜不可，但佢哋守强攻弱，加上近6场欧联主场不胜，其中5场总入球开2球或以下，宁愿博中位数2.5球嘅入球细。 从首回合战情可见，双方实力有一定距离，曼城该仗控制大局，反观马体会排出「550」死守阵式，放弃进攻全场零射门，被曼城领队哥迪奥拿嘲讽系最难攻破嘅阵式，但马体会最终仍然失守，导致今仗必须赢波先有望晋级。 由於马体会本身唔擅长主攻，加上仲要提防曼城突击，即使为势所逼，预料「床单兵团」踢法亦唔会太过进取。马体会曾经两次喺欧联淘汰赛首回合作客落後1球，次回合法定时间仅分别赢1比0及2比0，可见佢哋奉行稳中求胜，上仗联赛作客0比1意外不敌马略卡，今仗更要面对控球能力超强嘅曼城，要入波唔容易。 蓝月亮激战过後要回气 曼城刚於周日晚同利物浦合演一场扣人心弦嘅英超大战，和波後虽然仲手握争标主动权，但耗力甚大球员回气需时，今仗应会以静制动，避免体力後劲不继。虽然「蓝月亮」球星如云，但始终欠缺一位把握力强嘅箭头，令主帅哥迪奥拿焗住采用无锋阵，首回合上半场未有命中目标埋门，今场或会再次出现拉锯局面，入球唔慌多。