落後1球哈化焗攻大无畏

落後1球哈化焗攻大无畏 2022年05月23日 太阳日报 德甲升/降班附加赛生死战，汉堡主场迎战哈化柏林(柏林赫塔,Hertha BSC Berlin)。首回合汉堡作客领先1比0，挟5连胜气势返地头出战当然信心爆棚；哈化柏林护级之战已无退路，今仗必定尽地一煲抢攻，预料双方会制造大量攻门镜头，捧2.5球嘅入球大属明智之选。
过去9年德甲升/降班附加赛，有8次都系由德甲球队赢出，不过喺煞科战跌落德甲尾3嘅哈化柏林，首回合就输波跌入绝路，今场将会义无反顾大举进攻。事实上哈化柏林进攻能力唔差，首回合亦制造出唔少具威胁埋门，只可惜未能把握，以祖维迪、贝科迪尔等经验丰富嘅前锋，今场有望交出最佳水准力争入波。
汉堡有地利唔怕驳火
汉堡季尾全速冲刺杀上德乙(德乙,GER D2)第3位，拎到附加赛资格，连同首回合赢波已豪取5连胜，首席射手基列素撺扰力强，有力冲击哈化柏林疲弱防线。汉堡喺主场出击向来踢法进取，而且火力十足，对上7仗主场赛事总入球全开3球或以上，今仗面对焗攻嘅哈化柏林，好大机会再演入球骚。