欧冠:出线生死战尽地一煲 AC米兰萨尔斯堡大驳火

欧冠:出线生死战尽地一煲 AC米兰(AC米蘭,AC Milan)萨尔斯堡大驳火 2022年11月02日 太阳日报 欧联分组赛煞科日赛事，焦点落喺E组身上，小组第2位嘅AC米兰主场迎战第3位嘅萨尔斯堡。「红黑兵团」目前领先萨尔斯堡1分，今场唔输就出线，相反萨尔斯堡系非胜不可，面对AC米兰强大火力都会尽地一煲抢攻，预料战情会相当开放，2.5球嘅入球大稳开。
AC米兰今届欧联除咗两次输畀车路士外，其余赛事表现唔差，教练皮奥利嘅战术相当进取，上轮作客照炒萨格勒布戴拿模4球，基奥特同拉菲尔利亚奥组成嘅锋线甚有睇头。睇番AC米兰近4场赛事，总入球全部开3球或以上，主攻踢法往往制造大量入球。
虽然AC米兰喺上轮意甲(意甲,ITA D1)失利，於3分钟内连失两球，最终1比2不敌拖连奴，接近一年嘅联赛作客不败身被破，但嗰场佢哋用咗唔少副选，不能作准。今场佢哋回师圣西路出击，即使和波就够出线，估计都唔会龟缩，以攞晒3分为目标，加上「红黑军团」列比锡、卡积亚等都系经验丰富嘅球员，唔会因为一场输波而被打沉，相反今场会尽快争取领先，令对手无法翻身。
萨尔斯堡落後AC米兰1分，今仗必须赢波先可以出线，佢哋今届上阵球员平均年龄只有22岁279日，系欧联分组赛最後生球队，勇字当头下会毫无保留抢攻争胜，防线难免空虚，随时令对手有机可乘。两队今场都会采取进攻踢法，2.5球大盘值得捧场。