棋逢敌手易胶着 荷兰斗阿根廷半场和

世盃8强大战，荷兰对阿根廷，呢两支传统劲旅实力旗鼓相当，并且曾经多次喺世盃决赛周交锋，非常熟悉对方，预料会拉成均势。加上淘汰赛一战定生死，双方都唔会轻举妄动，战局随时陷入胶着。翻查两队近5次对赛有4次上半场打和，一於再博半场和。 　　荷兰同阿根廷都擅於进攻，但近年碰头却往往冇乜交收，包括2006及14年世界盃(世界杯,WORLD CUP)交锋，都踢成0比0，特别系2014年4强激战120分钟仍然冇出现入球，最终需要互射12码分胜负，由阿根廷胜出。 　　值得一提，当年荷兰正系由现任主帅尹戈尔执教，呢位71岁老帅嘅战术倾向保守稳阵，荷兰今届3分组赛仅入5球，即使对最弱嘅卡塔尔，亦只系小胜2比0，上仗16强对实力一般嘅美国(美國,USA)，都采取防反踢法，更何况今仗对手系争标热门之一嘅阿根廷，荷兰更加唔会冒进。 　　阿根廷老将多行军叹慢板 　　至於阿根廷进攻方面仍然非常依赖美斯，但呢位35岁球王始终体力有限，加上赛程紧密，相信佢会留前斗後，以免一旦加时後劲不继。事实上，阿根廷比较多老将，行军速度慢，唔好期望佢哋能够迅速入到波。加上两位翼锋迪马利亚、艾真度高美斯有伤在身可能缺阵，就算勉强披甲，都未必发挥出正常水准，难免削弱球队攻力，相信上半场打和嘅机会甚大。